Nżlišastarf Hjįlparsveit skįta Garšabę

Á hverju hausti hefst nýliðaþjálfun í einni öflugustu hjálparsveit landsins, Hjálparsveit skáta Garðabæ. Er komið að þínu tækifæri? Kynningarfundur fyrir nýliða er haldinn í húsakynnum okkar JÖTUNHEIMUM við Bæjarbraut í Garðabæ í byrjun september ár hvert.

Það verður farið yfir það starf sem bíður tilvonandi nýliða okkar og dagskrá vetrarins kynnt. Á sama tíma verða félagar úr sveitinni í húsinu tilbúnir til að svara hverri þeirri spurningu sem þú kannt að hafa yfir léttum veitingum.

Nýliðastarfið hjá okkur skiptist í tvö tímabil, nýliða 1 og nýliða 2.

 

  • Nýliðar 1 nefnast þeir nýliðar sem eru á fyrra tímabili sínu innan sveitarinnar og eru í grunnþjálfun. Þetta tímabil varir 12 mánuði.
  • Nýliðar 2 nefnast þeir nýliðar sem eru að ljúka þjálfun sinni og starfa því á þeim tíma með föstu flokkum sveitarinnar. Þetta tímabil varir í rúmt hálft ár og lýkur  þegar nýliðar 2 skrifa undir eiðstaf sveitarinnar og skráðir eru á útkallsskrá. Þá teljast fullgildir meðlimir.

 

Á meðan nýliðaþjálfuninni stendur munt þú læra nýja hluti og sjá að þú getur miklu meira en þú bjóst við. Þú munt kynnast nýjum hliðum á fjallamennsku og sjá nýja staði á Íslandi og reyna á þig í erfiðum aðstæðum með hópi fólks sem hefur sama áhugamál og þú, að ferðast, fræðast og leggja af mörkum til samfélagsins.